rasa rawan hati manjanak
si anang lawan kawannya
bapenanan gelas minuman yang disipak sipak
tadangsar tajulapak takana banyu ujan
rasa hiri hati manjanak
tawa mangalangkang inya badua
tawa yang kada suah ku ingkut salagi halus
matan bayi sampai kabujang
bapuluh puluh babongko masih batuyuk di atas jidar
mahadang taduh si ujan timur
babaris baris manjanak si anang bagayaan
rasa meawang awang di kapala
kiapa kisah bubuhannya lamunnya tuha
ingat jua kah inya lawan babongko
ingat jua kah inya lawan kupiah gesen menyilipakan duit
sorang nang ampun panyasalan ni
kawa mendoakan haja gesen buhan bedua nih
mudah mudahan kawa jadi anang anang yang berguna hagan tanah banyu
hagan anak cucu bubuhan inya jua
ujan taduh, si anang maangkat jidarnya
manarusakankan manjaja babongko
sampai habis kada basisa
habis kisah hari ini mudahan ditamuakan Tuhan lawan hari barikutnya
Banjarmasin, 9 feb 2012
fauzi
Tidak ada komentar:
Posting Komentar
Mari kita berbagi dengan mengomentari postingan ini.. haha